Unha trintena de voluntarios composta por familias, amigos e traballadores de KMPG Galicia e varios membros da Asociación Amicos e da Comunidade de Montes veciñais en man común de Leiro déronse cita no monte de Leiro, en Rianxo, a mañá do sábado 20 de abril. O encontro prodúxose no marco dunha xornada de voluntariado ambiental e inclusiva, co obxectivo de continuar cos labores de repoboación forestal iniciadas no terreo despois do incendio que asolou a zona no 2019.

Paula Mª Fernández e María Montserrat García achegáronse a tarde deste martes, 14 de maio, ás instalacións do Centro de Atención Integral de Amicos. A través dun percorrido polo centro, puideron coñecer a fondo o labor e a actividade da nosa entidade. Así, o obxectivo da cita foi coñecer as reivindicacións das persoas con discapacidade e as súas familias en calidade de deputadas nacionais.

A mañá deste venres, 10 de maio, trasladámonos á Finca de Montesqueiro, en Oleiros, para participar na séptima edición da xornada de Responsabilidade Social Empresarial de Vegalsa- Eroski. Alí, os nosos amicos Adriana Miguens e Miguel Cancelas foron os encargados de retratar o aspecto máis distendido da cerimonia, poñéndose á fronte do photocall inclusivo PA-TA-TA.

O Centro de Atención Integral de Amicos recibiu a mañá deste mércores, 8 de maio, a visita de Antonio Álvarez, director de Sostibilidade do Grupo Profand, e Alejandro Castro, técnico da mesma área. Durante a cita, ambos profesionais puideron ver de primeira man o funcionamento das distintas áreas do centro. Tamén descubriron algunhas das actividades e talleres nos que participan os amicos/as, así como as obras de ampliación do edificio.